Efa tamin’ny 8 ora alina tany an-toerana izany hoe ny alakamisy 24 septambra tamin’ny telo maraina no nanatanterahana ny fihaonana. Afaka nametraka fanontaniana avokoa ny tsirairay. Voaresaka tao daholo ny lafim-piainana aty Madagasikara. Ohatra momba ny fitsanganan’ny VFM izay tsiahivina fa depiote mpanohana ny filoha Rajoelina no ankamaroan’ireo nanangana azy. Isan’ny fanontaniana nipetraka tamin’ny FFRM ny momba io VFM io sy ny fanohanany ny tenany sy ny fanavaozana. “Tsy afaka manakana na mandrara izay te hanohana ahy aho”, hoy ny Filohan’ny Fanavaozana.
